![Kosova nuk e pranon Asociacionin si kusht per anetaresim ne KiE Kosova nuk e pranon Asociacionin si kusht per anetaresim ne KiE](images/news/kosova asosacion kie nuk pranon.jpg)
Aksioni ndaj biznesit, 10 vjet burg per kontrabande, 3 vjet burg per kuponin
Komisioni i Ligjeve miratoi dje vetëm me votat e maxhorancës ndryshimet në ligjin e Kodit Penal, që parashikon dënime me burg për evazionin fiskal, kontrabandën dhe për mosdhënien e kuponit tatimor.
Nisma e qeverisë është miratuar në parim, ndërkohë që javën e ardhshme do të miratohet nen për nen. Nisma ka marrë 1 votë kundër të opozitës, nga deputeti Eduard Halimi, i cili ishte i vetmi që qëndroi në sallë deri në fund, ndërsa kolegët e tjerë të PD-së u larguan.
Komisioni i Ligjeve
Nisma e qeverisë parashikon dënim me burg për bizneset e paregjistruara në QKR, të cilat nuk disponojnë një NIPT, dhe që nuk presin kupon tatimor për shërbimet e tyre. Për këto shkelje, në Kodin e ri Penal që do të miratohet dënimi është deri në 3 vjet burg. Po ashtu, dënohen edhe bizneset që importojnë dhe që tregtojnë barna kontrabandë, për të cilat parashikohet burgim nga 6 muaj deri në 5 vjet. Ndërsa kontrabanda e naftës apo benzinës, si dhe futja e tyre në treg me një cilësi të ulët, me Kodin e ri do të dënohet deri në 5 vjet burg.
Argumenti
Deputeti i PD-së, Eduard Halimi tha se ishte dakord vetëm për tri nga propozimet e qeverisë për të dënuar tregtarët e ilaçeve të falsifikuara dhe tregtarët e karburanteve me cilësi të ulët, dhe administratën doganore të korruptuar, por e ka quajtur si të tepërt dënimin e bizneseve për kasën fiskale apo për kuponin tatimor. “Kjo është një paketë terrori për biznesin. Sepse i jep të vetmen alternativë burgun, kjo nuk ndodh në asnjë vend të BE-së”, tha Halimi. Por për socialistët, ndryshimet e qeverisë në Kodin Penal do të jepnin efekt në përmirësimin e klimës së biznesit.
“Këtu pashë një shpikje që grup interesi janë kontrabandistët dhe hajdutët e këtij vendi. T’u marrim mendim dhe t’i pyesim: shokë kontrabandistë, si e doni, t’ju tolerojmë, të hapim traun e doganës në mëngjes, drekë apo darkë?”, tha deputeti i PS-së, Ulsi Manja. Ai ka folur dhe për arrestimin e berberëve, duke thënë se këta të fundit nuk paguajnë asnjë detyrim, ndërkohë që kanë xhiro ditore afro 30 mijë lekë.“Një berber ngjitur me një biznes tregtimi me pakicë, berberi pa kasë fiskale, vetëm me gërshërë fiton 30 mijë lekë në ditë neto. Kurse tregtari ngjitur i regjistruar me NIPT, me kasë fiskale dhe kupton tatimor, rropatet nga mëngjesi deri në darkë dhe nuk i fiton 30 mijë lekë. Si qenka kjo punë, se nuk do zoti Halimi që të formalizohet berberi, duhet të mbysim tregtarin”, tha Manja.
Por për demokratin Gent Strazimiri, qeveria me këtë nismë do të thyejë në mes berberin, ndërkohë që do të tolerojë trafikantët dhe kontrabandistët. Strazimiri ka sulmuar dhe ministrin Saimir Tahiri, duke e quajtur atë si “debil”. “Vullnet më i mbrapshtë dhe idiotesk politik që t’i shitet një populli, për mendimin tim, që qimja e berberit është problemi dhe jo trafiku i drogës, jo makina e shitur, jo ministri debil që del dhe akuzon vetveten, dhe s’i hyn gjemb në këmbë. Të sjellë këtë copë letër dhe të thotë se ti nuk je as qytetar. Këta sikur kanë dalë nga filmat në komunizëm”, tha Strazimiri.
Por, pas këtyre akuzave, deputeti Bashkim Fino kërkoi që të mos fyen ministrat. “Duhet të mbahet etika në komision, nuk kemi të drejtë të shajmë as liderin e opozitës, por në mënyrë të veçantë asnjë ministër. S’mund t’i themi debil ministrit”, tha Fino./Gazeta Panorama
Më të lexuarat
![Kosova nuk e pranon Asociacionin si kusht per anetaresim ne KiE Kosova nuk e pranon Asociacionin si kusht per anetaresim ne KiE](images/news/kosova asosacion kie nuk pranon.jpg)
![Inflacioni zbret ne nivelin me te ulet ne tre vjet, por ushqimet mbeten te shtrenjta Inflacioni zbret ne nivelin me te ulet ne tre vjet, por ushqimet mbeten te shtrenjta](images/news/ushqime cmime inflacion zbritje.jpg)
![Mungesa e fuqise punetore, Shqiperia ne negociata per te marre 40 mije punonjes te huaj Mungesa e fuqise punetore, Shqiperia ne negociata per te marre 40 mije punonjes te huaj](images/news/forca punetore shqiperi 40 mije te huaj.jpg)
![Ngrihet komisioni disiplinor per kontrollin e punimeve te ndertimit Ngrihet komisioni disiplinor per kontrollin e punimeve te ndertimit](images/news/ndertim komisioni gjoba punime.jpg)
![Prilli me i nxehte ne histori, 2024 mund te thyeje rekordet per te dytin vit radhazi Prilli me i nxehte ne histori, 2024 mund te thyeje rekordet per te dytin vit radhazi](images/news/temperatura globale ngrohje prilli rekord.jpg)
![Zgjedhje te dyfishta ne Maqedonine e Veriut, sot votimet per parlamentin dhe presidentin Zgjedhje te dyfishta ne Maqedonine e Veriut, sot votimet per parlamentin dhe presidentin](images/news/zgjedhjet maqedoni veriut president parlament.jpg)
![Ulet ndjeshem raporti nxenes-mesues ne shkollat publike, ia kalon privatit Ulet ndjeshem raporti nxenes-mesues ne shkollat publike, ia kalon privatit](images/news/arsimi nr nxenes publik provat ulje.jpg)
![Hyn ne fuqi vendimi, kush perdor bombula gazi ose kaldaja duhet te paguaje sigurim Hyn ne fuqi vendimi, kush perdor bombula gazi ose kaldaja duhet te paguaje sigurim](images/news/bombula gaziii sigurim detyrueshem biznesee.jpg)
![AstraZeneca terheq vaksinen kunder Covid-19 pas pranimeve per efekte anesore AstraZeneca terheq vaksinen kunder Covid-19 pas pranimeve per efekte anesore](images/news/vaksine covid astrazeneca terheq nga tregu.jpg)
![3 linja me autobuse elektrike brenda 2029 ne Tirane, miratohet kredia 50 mln euro 3 linja me autobuse elektrike brenda 2029 ne Tirane, miratohet kredia 50 mln euro](images/news/linja elektrike autobuse tirane projekti kredi.jpg)